Baratza Digitala, ideiak eta ezagutzak loratzeko

Aitor Errazkin 2025ko ots. 18a, 11:00

Gaurko saioan, teknologiaren eta ezagutzaren uztarketari begiratuko diogu, Baratza Digitala proiektua ezagutzeko. Bertan, Diana Franco Eguren izango dugu gurekin, mundu digitala ere baratze bat izan daitekeela frogatzen duen sortzailea.

Zer da Baratza Digitala?
Baratzadigitala.eus gunea ezagutza kolektiboa sustatzeko espazio bat da, non teknologia, kultura eta elkartrukea uztartzen diren. Bertan, artikuluak, esperientziak eta baliabideak topa ditzakegu, beti erritmo lasai eta hausnartuan, pausuz pausu, landu eta hazi daitekeen baratze bat balitz bezala.

Baratza, baratze, ortua… zein da hitz egokia? Euskalkien eta ohituren arabera, esanahi ezberdinak izan ditzakete, baina Diana Francok "baratza" hitzari beste esanahi bat ere ematen dio: pausu baratza, pausatu eta hausnartzeko gune bat.

Nola sortu zen Baratza Digitala? Zer topa dezakegu bertan? Teknologiak ezagutzen partekatzeko eta hazteko eskaintzen dituen aukerez hitz egingo dugu gaurko saioan.